İsveç Kral Elmlər Akademiyası yanında Nobel Mükafatı Komitəsi tərəfindən 2025-ci il üçün Alfred Nobelin xatirəsinə İqtisadi Elmlər üzrə "Sveriges Riksbank" mükafatının laureatlarının adları açıqlanıb - Joel Mokir, Filippe Aghion və Peter Houitt. Onlar bu mükafata “innovasiya əsaslı iqtisadi artımı izah etdiklərinə görə” layiq görülüblər.
Mükafatın yarısı Joel Mokirə “texnoloji tərəqqi vasitəsilə davamlı artımın ilkin şərtlərini müəyyən etdiyinə görə”, digər yarısı isə Filippe Aghion və Peter Houittə “yaradıcı dağıdılma (creative destruction) vasitəsilə davamlı artım nəzəriyyəsinə görə” birgə verilib.
Joel Mokir 1946-cı ildə Hollandiyanın Leiden şəhərində anadan olub. Şimal-Qərb Universitetinin professoru, ABŞ. Tel-Əviv Universiteti, İsrail.
Philippe Aghion 1956-cı ildə Parisdə, Fransada anadan olub. London İqtisadiyyat və Siyasi Elmlər Məktəbinin professoru.
Peter Houitt 1946-cı ildə Kanadada anadan olub. Brown Universitetinin professoru, ABŞ.
