Noyabrın 28-də ETN İqtisadiyyat İnstitutunun Dissertasiya Şurasının iclasında İqtisadiyyat İnstitutunun doktorantı Əsədov Zaur Cahangir oğlunun 5311.01 – “Müəssisələrin təşkili və idarə olunması” ixtisası üzrə “Qlobal iqtisadi böhran şəraitində Azərbaycanda sənaye müəssisələrinin fəaliyyətinin tənzimlənməsi” mövzusunda iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi keçirilib.
Professor Rəna Sultanovanın sədrliyi ilə keçirilən iclasda iddiaçı Z.Əsədov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
