Türkiyənin paytaxtı Ankarada, 16-18 may 2025-ci il tarixlərində Ankara Hacı Bayram Vəli Universiteti və Yörük Türkmən Birliyinin birgə təşkilatçılğı ilə “II Beynəlxalq Türk Dünyası Strateji Araşdırmalar Konqresi” keçirilib. Azərbaycan Respublikası Elm və Təhsil Nazirliyinin İqtisadiyyat İnstitutunun baş meneceri Şakir Abelıyev, İnklüziv sosial inklişaf şöbəsinin müdiri, iqtisad elmləri doktoru Rəsmiyyə Abdullayeva, İnnovativ iqtisadiyyat və rəqəmsal transformasiya şöbəsinin müdiri, dosent Allahyar Muradov və Xidmət sferasının iqtisadiyyatı şöbəsinin müdiri, dosent Pərviz Həsənov konqresdə iştirak ediblər.
Tədbirdə 20-dən çox ölkənin (Azərbaycan, Türkiyə, Kuzey Kıbrıs Türk Cumhuriyyəti, İsveç, Rusiya, Makedoniya, Kosova, Macarıstan, Hindistan, Qazaxıstan, Qırğızıstan, Özbəkistan, Moldova, Ukrayna, Bosniya və Hersoqavina və s.), 70 universitetin, 16 qurumun və 3 strateji mərkəzin 145 nümayəndəsi təmsil olunub. R.Abdullayeva “Türk dünyasında iqtisadi əməkdaşlığın gücləndirilməsində yaradıcı sənayelərin rolu”, A.Muradov və Ş.Alıyev “TATKÖK arasında elmi və təhsil əlaqələrinin gücləndirilməsi”, P.Həsənov “Türk dövlətlərinin səhiyyə sahəsində işbirliyi imkanları” mövzularında məruzə ediblər.
İqtisadiyyat İnstitutunun əməkdaşları həmçinin Aərbaycan Respublikasının Türkiyə Respublikasındakı Səfirliyinin nəzdində fəaliyyət göstərən Azərbaycan Mədəniyyət Mərkəzinin layihəsi ilə Gazi Universitetində fəaliyyət göstərən “Azərbaycan Türkcəsi Təhsil Ocağı”nı ziyarət ediblər. Ziyarət zamanı “Azərbaycan Türkçəsi Öğretim Ocağı”nın təlimçisi, Gazi Universitetinin doktorantı Şəhla İbişova Mədəniyyət Mərkəzinin fəaliyyəti və Azərbaycan türkcəsi kursları barədə məlumat verib. O, bildirib ki, kurslar təkcə dil öyrətmək deyil, həm də Azərbaycan mədəniyyəti, ədəbiyyatı və tarixi ilə bağlı bilikləri aşılayır. Bu təşəbbüs ölkələrarası mədəni əlaqələrin möhkəmləndirilməsinə xidmət edir (economics.org.az).
