18-21 may 2026-cı il tarixlərində Bakı şəhərində Şərq-Qərb Nəqliyyat Dəhlizində Logistika, İdarəetmə və İstismar Problemləri üzrə 5-ci beynəlxalq konfrans keçiriləcək (PLMO 2026). Konfrans AR Elm və Təhsil Nazirliyi Riyaziyyat İnstitutu, Polşanın Sileziya Texnologiya Universiteti, Çinin Quançjou Universiteti, Özbəkistanın Daşkənd Dövlət Nəqliyyat Universiteti və Azərbaycan Texnologiya Universitetinin təşkilatçılığı ilə baş tutacaq.
Beynəlxalq konfransın əsas məqsədi elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələri bir araya gətirərək Şərq-Qərb Nəqliyyat Dəhlizində mövcud elmi və praktiki problemlərin müzakirə edilməsidir. Tədbirdə ABŞ, Polşa, Türkiyə, Gürcüstan, Çin, Özbəkistan, Qazaxıstan, Litva, Macarıstan, İsveç və digər ölkələrin aparıcı alimlərinin iştirakı gözlənilir.
Qeyd edək ki, Şərq-Qərb Nəqliyyat Dəhlizində Logistika, İdarəetmə və Əməliyyat Problemləri üzrə 4-cü Beynəlxalq Konfransın (PLMO 2025) materialları Springer nəşriyyatı tərəfindən dərc olunub və PLMO 2025 konfransının veb saytında (https://plmo.cyber.az/2025/proceedings.html) əldə edilə bilər. PLMO 2026 materiallarının Advances in Computer Science Applications and Research (ACSAR) seriyasında dərc olunması Springer tərəfindən 16 yanvar 2026-cı il tarixində təsdiqlənmişdir.
Ətraflı məlumat plmo.cyber.az saytında və məktuba əlavədə verilmişdir.
