Elm və Təhsil Nazirliyinin İqtisadiyyat İnstitutunun Post-konflikt Ərazilərin Bərpası Elmi Mərkəzinin əməkdaşlarının “Azərbaycanın post-konflikt ərazilərində yeni iqtisadiyyat quruculuğu: elmi əsaslar, çağırışlar və tətbiqi həllər” adlı kollektiv monoqrafiya nəşr edilib.
Kitabın müəllifləri iqtisad elmləri namizədi, dosent Azər Səfərov, i.f.d., dos. Əbülfət Kərimov, i.f.d. Səbinə Əsədova, kiçik elmi işçilər Ənvər İsmayıllı, Cavanşir Burhanzadə, Nigar Namiq, Elmir Mehdiyevdir.
İqtisadiyyat İnstitutunun Elmi Şurasının qərarı əsasında çap edilən kitabın elmi redaktoru i.f.d., dosent Famil Rüstəmov, rəyçiləri i.e.d. Leyli Allahverdiyeva və i.e.d., professor Ədalət Əliyevdir.
Redaksiya heyətinə Post-konflikt Ərazilərin Bərpası Elmi Mərkəzinin rəhbəri, dos. Azər Səfərov, elmi əməkdaşlar - i.f.d. Səbinə Əsədova, Cavanşir Burhanzadə və Nigar Namiq daxildir.
İqtisadiyyat İnstitutunun baş direktoru, professor Nazim Müzəffərli kitaba ön söz yazıb.
Kollektiv monoqrafiya ETN Iqtisadiyyat İnstitutu "Post-konflikt ərazilərin bərpası Elmi Mərkəzi"nin 2023-2025-ci illər ərzində həyata keçirdiyi tədqiqatların nəticələri əsasında hazırlanmışdır. Monoqrafiyada əsas diqqət Prezident İlham Əliyevin işğaldan azad edilmiş ərazilərdə bərpa və quruculuq strategiyasının izahına yönəldilmiş, bu strategiyanın uğurla həyata keçirilməsi üçün zəruri proqram sənədlərinin elmi əsaslarla hazırlanması və uyğun iqtisadi idarəçilik mexanizmlərinin təkmilləşdirilməsi istiqamətləri araşdırılmışdır. Monoqrafiyada bərpa və quruculuq proqramlarının struktur əsası kimi təqdim olunan sahə-ərazi sxemi konsepsiyası çərçivəsində beş regional klasterin formalaşdırılması və ərazidəki iki inkişaf zonasının ixtisaslaşdırılması təklif edilir. Eyni zamanda, dövlət investisiyalarından istifadənin təkmilləşdirilməsi, dövlət-özəl tərəfdaşlığı mexanizmlərinin gücləndirilməsi, özəl və xarici innovativ investisiyaların cəlb edilməsi yolları öyrənilmiş və bu sahələrdə səmərəli istifadə mexanizmləri əsaslandırılmışdır. Monoqrafiyanın ana xətti post-konflikt ərazilərdəki yeni iqtisadiyyat quruculuğunun ölkə iqtisadiyyatında texniki-texnoloji inkişafın təmin olunmasının əsas həlqəsi kimi təqdim olunmasından ibarətdir (economics.org.az).
Kitabın elektron variantı
