30 aprel 2026-cı il tarixində Özbəkistanın Dünya İqtisadiyyatı və Diplomatiya Universiteti tərəfindən “Qlobal geoiqtisadi proseslərin transformasiyası kontekstində Yeni Özbəkistanda iqtisadi sabitliyin təmin edilməsinin əsas istiqamətləri və perspektivləri” mövzusunda beynəlxalq elmi-praktiki konfrans keçirilib.
ETN İqtisadiyyat İnstitutunun əməkdaşları, Təhsil şöbəsinin müdiri, i.f.d. Ellada Xankişiyeva, aparıcı elmi işçilər, i.f.d., dosent Mətanət Abdalova və i.f.d., dosent Gülnar Səmədova konfransın plenar iclasında onlayn formatda iştirak ediblər. Ellada Xankişiyeva “İntellektual mülkiyyət innovativ inkişafın amili kimi: beynəlxalq təcrübə və regional xüsusiyyətlər” mövzusunda, Mətanət Abdalova “Özbəkistan və Azərbaycan arasında iqtisadi əməkdaşlığın inteqral indeks əsasında qiymətləndirilməsi” mövzusunda və Gülnar Səmədova “Türkdilli dövlətlər arasında turizm əlaqələrinin müasir vəziyyəti və inkişaf perspektivləri” mövzusunda məruzələrlə çıxış etmişlər. İştirakçılara sertifikatlar təqdim olunmuşdur.
