Elm və Təhsil Nazirliyinin İqtisadiyyat İnstitutunun “İnklüziv sosial inkişaf” şöbəsinin müdiri, i.e.d., prof. Rəsmiyyə Abdullayeva, “İnnovativ iqtisadiyyat və rəqəmsal transformasiya” şöbəsinin müdiri, i.e.d. Allahyar Muradov və “Aqrar sektorun iqtisadi problemləri” şöbəsinin müdiri, i.e.d. Yunis Sadıqov 28-30 aprel 2026-cı il tarixlərində Şimali Makedoniyada onlayn formatda keçirilən X Beynəlxalq Tətbiqi Sosial Elmlər Konqresində iştirak ediblər.
Tədbir Şimali Makedoniyanın Tetova Universiteti, Malta Universiteti, Kosovanın Haxhi Zeka Universiteti, Moldoviyanın İqtisadiyyat Elmləri Akademiyası, Xorvatiyanın Rijeka Universiteti və Rumıniyanın Qərb Universiteti birgə təşkilatçılığı ilə keçirilib. Konqresin mövzusu “SDG dövründə risk və dayanıqlığın yenidən qiymətləndirilməsi” olub. İnstitutumuzun əməkdaşları “Rəqəmsal transformasiya və həssas qrupların əmək bazarına inteqrasiyası” mövzusunda çıxış ediblər. Konqresə 40-dan çox ölkənin alimləri qatılıb. R.Abdullayeva konqresdə bölmələrin birinin sədri olub.
